لاعب الأهلي السابق: الله يعين مجلس الإدارة لحل مشاكل نادي الزمالك من شكاوي الفيفا والغرامات وإيقاف القيد

وقال شوبير: «جوميز تقدم بشكوى رسمية في الفيفا ضد الزمالك لوجود مستحقات له بقيمة 120 ألف دولار، وعمرو أدهم عضو مجلس الإدارة بيقول سنعمل على حل المشكلة بصورة ودية».

وأوضح شوبير: «هنا عايز أقول إن جوميز لما ساب الزمالك خرج بشكل غريب والرجل مشي بكل احترام وكتب رسالة حلوة على السوشيال ميديا تقديرا واحتراما لنادي الزمالك ولم يتحدث في الفلوس وطبعا عارفين مشاكل نادي الزمالك في الفترة اللي فاتت والله يكون في عون مجلس الإدارة».

وتابع شوبير: «ثم فوجئ جوميز بأن نادي الزمالك دفع لباتشيكو وخالد بوطيب وسدد مبالغ كبيرة فالراجل كان واخد وعود إنه هياخد فلوسه خاصة إنها مبلغ صغير مقارنة بما يدفعه الزمالك، وعموما مسؤولو الزمالك تحركوا لتلبية طلب جوميز وهيدفعوا».

وأضاف شوبير: «أنا نصيحتي لمسؤولي نادي الزمالك كفاية شكاوى ضد الزمالك، والإدارة دي واللي قبلها فضلت تأخر موضوع باتشيكو فبعد ما كان أقل من نصف مليون دولار خد مليون دولار، طب ليه من البداية لا تنهي هذه المشاكل، وبعدين نادي الزمالك نادي كبير واسم كبير مينفعش اسمه يرتبط دائما بمشاكل في الفيفا ومينفعش كل شوية إيقاف القيد، أنا هتكلم بصراحة واللي عايز يزعل مني يزعل المواضيع معادتش تفرق معايا».