بيراميدز يعلن تضرره من مواعيد إقامة مباريات الفريق والملاعب .. ويكشف عن رأيه في مصير قرار خصم نقاط للأهلي

بيراميدز يعلن تضرره من مواعيد إقامة مباريات الفريق والملاعب .. ويكشف عن رأيه في مصير قرار خصم نقاط للأهلي

أكد نادي بيراميدز تضرره من قرارات رابطة الأندية، الخاصة بمواعيد إقامة مباريات الفريق والملاعب التي يلعب عليها.

يأتي هذا بسبب خوض الفريق آخر مباراتين له على ملعب «حرس الحدود»، رغم أن هناك أندية أخرى لا تلعب على نفس الملعب.

وقال هاني سعيد، المدير الرياضي بنادي بيراميدز، عبر راديو «أون سبورت إف إم»: «كلام فارغ إني العب على ملاعب في أندية مش بتلعب عليها، زي المكس وبتروسبورت وجهاز الرياضة».

وأضاف: «هتقولي الأمن، يبقى أشوف ملعب الناس كلها تلعب عليه، الملعب امبارح سيء جدًا (ضد فاركو)».

وأكمل: «احنا فريق بينافس على الدوري، وفي الآخر احنا مكناش بالمستوى المطلوب، لكن أنا ماتشين ورا بعض بلعب في نفس التوقيت ونفس الملعب».

وتابع: «ليه أنا مش بلعب بالليل، مش في قنوات بتنقل اشمعنى أنا ألعب في التوقيت ده، هي حاجات اتكلمنا فيها ومفيهاش إجابات أو بيتقال نفس الإجابات، والموضوع بقى بايخ ودمه تقيل».

وبشأن اجتماع لجنة التظلمات باتحاد الكرة للكشف بشأن مصير قرار خصم نقاط للأهلي من عدمها على خلفية انسحابه من لقاء القمة، قال هاني سعيد: «الثلاث نقاط مهمين كدة كدة بتوع الخصم للأهلي، مهمين في شكل الدوري والعدالة، ودي ملهاش علاقة بماتش امبارح، احنا مستنيين النتيجة يوم الخميس».

ومن المقرر أن تعلن لجنة التظلمات القرار الخاص بشأن خصم الثلاث نقاط من عدمها من الأهلي بنهاية الموسم، يوم الخميس المقبل.