شيكابالا يهاجم الأهلي : لو عاوزين فريق واحد بس اللي يكسب نقفل الزمالك خلاص

وقال شيكابالا في تصريحات عبر بودكاست مع أحمد حسام ميدو، عضو لجنة التخطيط بالزمالك، ردًا على حديث الأخير: «مفيش أهلاوي بيفهم إلا بيحب شيكابالا؟ عارف مشكلتي إيه في القصة دي!، احنا كنادي الزمالك بنقعد نتحارب مع كل الناس».

وأضاف: «ونقعد برضو ناخد بطولة من هنا مع أن احنا معناش حاجة ومعندناش حاجة، بتحارب كأنك الزمالك بتروح تلعب في الدوري الإنجليزي، كل الناس دي معاها كل حاجة وأنت جاي باللوجو احنا بنروح باللوجو والجماهير بتاعتنا».

وأكمل: «الناحية التانية كل الناس بتساعدهم وده مش طبيعي، أنتوا عايزين الكورة ولا فريق واحد بس اللي يكسب، لو فريق واحد بس اللي يكسب نقفل النادي خلاص، ونلعب خماسي ونتبسط».

وتابع: «اللي بيحصل ده مش طبيعي، ف لازم الناس تساعدنا شوية في الدولة لأن الزمالك بيستحق يكون في مكانة أفضل من كدة، والدوري يكون كويس لما الأهلي يبقى جامد وبيراميدز والزمالك»