بعد تدمير ٩٤٪ من مستشفيات غزة.. مذيعة إسبانية تهاجم نتنياهو بسبب وصفه ضربة إيران لمستشفى إسرائيلي بأنه جريمة حرب

بعد تدمير ٩٤٪ من مستشفيات غزة.. مذيعة إسبانية تهاجم نتنياهو بسبب وصفه ضربة إيران لمستشفى إسرائيلي بأنه جريمة حرب

وكتب باسل رمسيس علي فيس بوم يقول: اسمها كريستينا سافيدرا. بتقدم أحيانا نشرة الأخبار الضهر على قناة إسبانية مهمة من القناتين اللي بتابعهم. بحس دايما أن اللي بيقدموا نشرات الأخبار ناس باردة، تقريبا مكن/ريبوت. بس النهاردة أغرمت تماما بكريستينا لما خرجت عن النص بانفعال.

بدأت بعرض مشاهد لضرب المستشفى الإسرائيلي وكلام قادة دولة الاحتلال أن ضرب المستشفى جريمة حرب، وفي ثانية واحدة بدأت الردح مع مشاهد من غزة: دي جريمة حرب؟! ده ولا واحد مات!.. وكملت: ولما دمرتم ٩٤٪ من مستشفيات غزة فوق المرضى والمصابين.. ماكانتش جريمة حرب؟! ولما قتلتوا بقصد آلاف الأطفال في غزة، وسببتوا عاهات مستديمة لأكتر من خمسين ألف طفل.. ماكانتش جريمة حرب؟! ولما بتجوعوا الناس وتستدرجوهم عشان ياخدوا أكل وتضربوهم بالرصاص.. ماكانتش جريمة حرب؟! …. إلخ. أحلى مونولوج الواحد سمعه من وقت طويل!!

الناس اللي زي كريستينا هم اللي بيدوا أمل أن البشرية فيها لسة حاجة حلوة، حتى ولو مجرد انفعال بيعبر عن مشاعر حقيقية في لحظة

تحديث: الفيديو: https://www.facebook.com/reel/692680700308659