رغم زواج دام 11 عام.. لن تصدق سبب انفصال سعاد حسني والمخرج على بدرخان ..شقيقة السندريلا تكشف التفاصيل

وقالت جيهان في تصريحات لبرنامج «انا وهو وهي» إن زواج سعاد وعلي بدرخان كان قائمًا على الحب، لكن رغبة «السندريلا» في الإنجاب كانت السبب الرئيسي وراء الانفصال، وأوضحت أن سعاد تعرضت للإجهاض مرتين، كانت الأولى أثناء تصوير فيلم «المتوحشة»، ما سبّب لها ألمًا نفسيًا شديدًا.

وأضافت: «بعد ما فقدت حلم الأمومة، اتفقا على الانفصال بشكل ودي، رغم الحب اللي كان بينهم، خاصة لما اتجوز على بدرخان بعد كده وخلف».

وفي سياق آخر، نفت شقيقتها جيهان تمامًا رواية انتحار سعاد، وقالت في تصريحات لـ «المصري اليوم»: «الناس اللي بتقول انتحرت يقولوا اللي هما عايزينه، سعاد كان عندها فوبيا من الأماكن العالية، مكنتش تقدر تبص من البالكونة، وكانت بتقفل الشقة كلها، إزاي تنتحر؟».

وأضافت: «كانت بتصلي وبتقرأ قرآن، وعاوزة ترجع تشتغل، وسابت المصحة وكانت متحمسة للمسرح لأول مرة، وصرفت فلوسها كلها على العلاج، ليه تنتحر؟».

وأكدت أن سعاد كتبت مذكراتها قبل وفاتها: «لما كتبت مذكراتها اتغدر بيها واتقتلت، ومذكراتها اتاخدت.. حاولنا نجيب حقها بس معرفناش وفقدنا الأمل للأسف».