ماذا قال إبراهيم سعيد بعد خروجه من السجن ؟

ماذا قال إبراهيم سعيد بعد خروجه من السجن ؟

وجه إبراهيم سعيد، نجم الأهلي السابق، طلبًا عاجلًا لدار الإفتاء المصرية وشيخ الأزهر بعد خروجه من السجن، على إثر قضية نفقة.

وظهر إبراهيم سعيد لأول مرة بعد خروجه من السجن في فيديو عبر صفحته الشخصية على فيس بوك، حيث قال: «بوجه رسالة للنائب العام، ودا اللي بطلبه من الدولة المصرية لأني فعلا اتظلمت، اللي كان السبب في سجني وشهد زور هو كدا عادي يعني، بتمني الدولة تفتح تحقيق وحقي يرجعلي».

وتابع: «زي ما اتقهرت واتسجنت وكنت بموت عايز حقي، أنا أمي ومراتي مكنتش عارف عنهم حاجة، في رمضان كنت بعيد عن بيتي وولادي وأمي، وهكذا العيد الصغير مش موجود وسط أهلي ولا ولادي ولا عارف اكلمهم، مكنتش عارف أختي وأمي عايشين ولا لأ».

وأضاف: «انتوا موتوني بالحياة ودفنتوني بس ربنا كبير، على القهر اللي أنا عيشته، أنا مش عارف أدعي عليكم ولا أقول ربنا يسامحكم، أيون في ناس كانت بتطبطب عليا وناس بتساعدني، بس أمي ملهاش سند ولا مراتي ليها سند، انتوا ضيعتوا نفسكم».

واختتم: «أنا عايز دار الإفتاء ترد عليا، أنا المفروض أدعي عليهم، بعد إذن شيخ الأزهر، ممكن تردوا عليا، أنا المفروض أدعى عليهم، هل أمضي على اللبس اللي جبته، والأكل، والفلوس اللي أنا ببعتها، انتوا ولادي مش زعلانين من نفسكم انكم وقفتوا قدام أبوكم قدام القضاء، دا ناس كتير تتمني وبتفتخر بيا، أنا بسلم على الناس كلها، مش عارف أدعي عليكم ولا إيه أنا في موقف صعب، كنت جزء من فرحة الناس وناس اختلفت معايا بس دي كرة، وناس كتير بتحبني قولولي أعمل إيه لأن في إبتلاء».