ثقافة وفنون
في ذكري وفاة أبيها.. هند سعيد صالح : زى ما بتحبوا بابا و بتدعوله من قلبكم ادعولى
صوت المصريين - The voice of Egyptians
في ذكري وفاة أبيها.. هند سعيد صالح : زى ما بتحبوا بابا و بتدعوله من قلبكم ادعولى
وكتبت هند سعيد صالح علي حسابها الرسمي في فيس بوك تقول :
صباح الخير
امبارح كان ذكرى ميلاد بابا ال ٨٥
و النهاردة ذكرى وفاة بابا ال ١١
١١ سنة ماعرفش عدوا ازاى .. عدوا بفضل ربنا و كرمه و نعمه عليا انى أعيش و أتعايش .. عدوا بإنى شايفة نسخة مصغرة من بابا شكل و موضوع و كوميديا و حتى النظرات معايا فى البيت إسمه سليم ( إبنى ) .. عدوا بحنية و طيبة كلام الناس عن بابا .. كلام الناس اللى دايما بيهدينى و بيحسسنى إن سعيد صالح ده مش بتاعك لوحدك .. إحنا لينا فيه زيك و يمكن أكتر
حقيقى بحس بحزن و حب الناس فى الپوستس اللى بتتكتب عنه سواء فى عيد ميلاده أو ذكراه
أو فجأة من غير أى تواريخ و أحداث
ناس أعرفها و ناس ماعرفهاش بشوف كلامها عنه صدفة
و بصدق كلامها لأنه طالع من القلب
فبفرح .. و بحمد ربنا على نعمة أنعم بيها عليا لوحدى .. إنى بنت #سعيد_صالح 
بس السنة دى كانت من أصعب السنين
يمكن عشان الظروف النفسية الصعبة اللى لسة بمر بيها بسبب مشكلة جوزى اللى اتكلمت عنها من فترة و لسة قائمة
يمكن عشان سنة ٢٠١٤ عيد ميلاد بابا كان خميس و وفاته كانت جمعة .. فتفاصيل كل حاجة مؤلمة حصلت السنة دى بتتعاد تانى قدامى
بس كله بيعدى و هايعدى الحمد و الشكر لله 
من فضلكم زى ما بتحبوا بابا و بتدعوله من قلبكم ادعولى لأنى فى أمس الحاجة للدعاء 
شكرا 
تابعونا لمزيد من التغطيات الحصرية والمحتوي المتنوع عبر أقسامنا المتجددة، حيث نقدم لكم أحدث أخبار وتقارير علي مدار الـ24 ساعة، وأحدث أخبار مصر و اقتصاد وبنوك وبورصة إلي جانب تغطية حصرية من خلال سفارات وجاليات ، وتغطية شاملة للتطوير العقاري من خلال قسم عقارات ونتشارك في الترويج للسياحة والآثار المصرية من خلال قسم سياحة وآثار ، إضافة لأخبار خاصة في قسم ثقافة وفنون و علوم وتكنولوجيا ومنوعات ، كما نولي اهتمام خاص بـ الرياضة و المرأة ونقدم لكم كل يهم التعليم والطلاب من خلال أخبار الجامعات .
