أحمد شوبير يدافع عن نجله مصطفى بعد ادائه في مباراة مودرن سبورت
أحمد شوبير يدافع عن نجله مصطفى بعد ادائه في مباراة مودرن سبورت
فتح أحمد شوبير، النار على منتقدي مصطفى شوبير، حارس مرمى الفريق الأول لكرة القدم بالنادي الأهلي
كان طارق سليمان، مدرب حراس مرمى الأهلي السابق، انتقد مصطفى شوبير، بعد أدائه في مباراة مودرن سبورت، مؤكدًا أنه يتحمل هدفي فريق مودرن.
وقال أحمد شوبير، في تصريحات عبر إذاعة «أون سبورت إف إم»: «جميل إن أنا أمسك قضية وأجيب محللين، حلو إننا نقول ونحلل الأخطاء، الغريب إن موضوع مالهوش لازمة يأخد 3-4 أيام غريب شوية».
وأضاف: «غريب يعني لاعب لعب ولاعب قعد احتياطي عادي يعني، ده حق المدرب ولا أنا بتكلم غلط، وبعدين يا جماعة أنا بتكلم كحارس مرمى، حارس المرمى مش ماسك ريموت كنترول تلاعبه بطريقتك».
وتابع: «في كتير جدًا من السادة المحللين والمدربين السابقين يطلع يقولك حاجات غريبة جدا يقولك (أصله كان لازم يضرب باليمين عشان يضرب العكسية في الشمال ولما يضرب العكسية تقوم تسند الجوانية والجوانية تزق التحتية)، ومتفهمش حاجة إنت بقي»
وتابع: «عندنا بعض السادة المحللين بتكلم على حراسة المرمى بالتحديد، يقولك الركبة اليمين كانت متنيه فالايد الشمال مندفعتش بحنية، أو بالقوة الكافية التي تجعل من قوة الدفع الذاتي، إيه ياعم الدنيا مش صعبة أوي كده ومش هحرك حد بالريموت يعني».
وواصل: «في ناس بتعرف تقول كلام تقيل وصعب وفي ناس سهلة وسلسة، بيعجبني كابتن أحمد ناجي، بيحلل الأمور ببساطة ورواقة وهدوء، وأيضًا عصام الحضري، انا بختلف كتير مع الحضري، لكن خبراته وتاريخه بيشرحلك الحالة كده».
وأتم: «عمومًا أتمنى مش كل واحد قدام الكاميرا أو المايك يعمل فيها أنه خبير التحليل والأمور تبقى أسهل من كده بشوية».
تابعونا لمزيد من التغطيات الحصرية والمحتوي المتنوع عبر أقسامنا المتجددة، حيث نقدم لكم أحدث أخبار وتقارير علي مدار الـ24 ساعة، وأحدث أخبار مصر و اقتصاد وبنوك وبورصة إلي جانب تغطية حصرية من خلال سفارات وجاليات ، وتغطية شاملة للتطوير العقاري من خلال قسم عقارات ونتشارك في الترويج للسياحة والآثار المصرية من خلال قسم سياحة وآثار ، إضافة لأخبار خاصة في قسم ثقافة وفنون و علوم وتكنولوجيا ومنوعات ، كما نولي اهتمام خاص بـ الرياضة و المرأة ونقدم لكم كل يهم التعليم والطلاب من خلال أخبار الجامعات .
